Conclusións do parladoiro conversas ó redor das estrelas

Conclusións do parladoiro conversas ó redor das estrelas

Neste artigo queremos facer un resumo sobre o acontecido o venres pasado na conversa que tivemos ó redor das estrelas. Para que sexa fácil de dixerir, ímolo dividir en tres apartados: conclusións xerais, conclusións sobre a parte lúdica, conclusións sobre o turismo.

CONCLUSIÓNS XERAIS

Polo grado de satisfacción que manifestastes por distintos canles, podemos dicir que o evento superou expectativas. Dende o GDR Condado Paradanta queremos agradecer a boa actitude dos asistentes e recoñecer a valía das opinións. É a nosa responsabilidade que este tipo de actividades non decaia, e para iso é moi importante demostrarvos que as vosas suxestións foron útiles e van a ser tidas en conta. Na parte do turismo explicarémosvos que cousas imos a facer a raíz do falado.

CONCLUSIÓNS SOBRE A PARTE LÚDICA

Hai que recoñecer que é verdade que nin nos mesmos sabemos o que temos. Tanto pola experiencia do paseo polo Tea acompañados de Carlos, como polo aprendizaxe que tivemos en canto a viticultura ecolóxica e astronomía “básica”, a xornada foi excelente en tódolos sentidos. Foron actividades de moitísimo valor que poderían chegar a constituír propostas de turismo por si mesmas, e nesa liña temos que traballar.

CONCLUSIÓNS SOBRE O TURISMO

Esta é a parte á que lle queríamos dedicar a maior parte do artigo, para que vexades que aquilo de xuntarse para falar non era una mera intención de pasar o tempo, senón que seguimos buscando pistas que nos permitiran ser coñecedores de cal é a situación do noso territorio para poñerse en marcha. Vamos coas conclusión máis salientables e cos seguintes pasos que propoñemos.

Sobre as conclusións:

  • A frase que máis se repetiu foi a que di que “non sabemos o que temos”. Certamente, é moi difícil poñer en valor o que se descoñece, e por aí é por onde temos que comezar. Hai que xerar actividades que saquen a xente das casas para que coñezan os recursos que teñen aquí ó lado. A propia actividade do venres é un exemplo de iso. A xente ten que sentir orgullo do seu, sentido de pertenza, pero para iso ten que descubrir que é “o seu”. Moi importante, nos temos que ser os mellores prescritores do Xeodestino Condado Paradanta e para elo é preciso coñecelo e valoralo
  • Na conversa tamén se falou de se o nome “Condado Paradanta” ten entidade por si mesma para atraer xente. Saíron moitas dubidas ó respecto, debidamente razoadas. O máis pertinente parece ser “agregarlle” un apelido, un lema, que identifique o lugar con algo máis, que apele ás emocións. Falouse de dous: “un destino, dous países” e “onde os días teñen 25 horas”, pero resulta que xa foron usados pola zona de Verín, o que nos podería xerar conflitos. Hai que seguir traballando con esta idea, inda que ó final deste artigo veredes un logo cun lema provisional, para que se entenda a idea. Unha solución podería ser abrir un concurso de ideas ata atopar aquilo que mellor nos identifique, teremos que madurar esta idea.
  • Inda que se falou de identificar elemento “tractor” para captar turismo. Debemos dicir que en turismo temos que falar de perfís concretos e dos seus intereses e motivacións. Alguén interesado na gastronomía virá chamado pola lamprea ou polos viños, mentres que alguén interesado na natureza pode que non lle dea a menor importancia, ou si… Moito ollo con simplificar un proceso, o turismo, que é moi complexo e no que, con frecuencia, se cruzan os intereses dos potenciais turistas. Por outra banda, quizás non se dean as condicións en Condado Paradanta para identificar ese posible “elemento tractor” do que falabamos na conversa. Non é tan doado.
  • Dende o GDR Condado Paradanta vense traballando en facer un visor de recursos, que se puxo en marcha o ano pasado e que coa axuda de Patricia González, que acaba de comezar a traballar como técnica de turismo do Xeodestino, estamos a actualizar, Ó mesmo tempo estamos co plan estratéxico de turismo do Xeodestino, onde se trazarán as liñas estratéxicas, sendo Javier Otero (Iniciactiva ideas en acción) o responsable deste asunto. O propio Javier nos desvelou as catro liñas principais: ENOTURISMO+GASTRONOMÍA, AUGA+TERMALISMO, PATRIMONIO HISTÓRICO, CONTORNA NATURAL. É un punto de partida interesante que evidencia un avance, agora quedaría por definir cal é o catálogo de recursos asociado a cada grupo, cales son os diferenciais capaces de atraer xente, e crear paquetes para difundilos, niso tamén estamos comezando a traballar coa financiación dun convenio que asina o GDR coa Axencia Turismo de Galicia.
  • Segundo as opinións dos participantes na conversa, queda todo por facer no campo da difusión mediática. É certo o que comentou Javier, que non “se conquista Roma nun día” e que estas estratexias son a medio/longo prazo, pero tamén é certo que ter ben identificada a proposta de valor axuda a facer unha comunicación moito máis afinada cara o público obxectivo, e inda non está clara cal é a proposta de valor diferencial (ollo a este último cualificativo, porque non consiste en falar do mesmo que falan os outros; hai que encontrar a nosa propia esencia).

A groso modo, esas foron as conclusións gordas, inda que tamén houbo outras aportacións destacadas das que tomamos boa nota.

Algo que quedou en evidencia sobre en que se podería traballar, e para que vexades que a intención da charla era poñer cousas en marcha, era na falta de identificación da poboación co Xeodestino Terras do Condado A Paradanta. Compartimos con vós un primeiro proxecto que xurdiu a raíz da reunión das conversas ó redor das estrelas.

A nosa compañeira Patricia estará presente nas festas de maior importancia que se vaian desenvolver de aquí ata finais de setembro traballando en dar a coñecer o Xeodestino e en fomentar esa identidade propia que diciamos que carece o veciño da nosa comarca.

Para iso imos preparar un xogo que daremos en chamar Sabes quen somos? Xoga con nós¡¡.

Sobre un mapa da comarca, en soporte cartón pluma, estarán localizados tres recursos por cada un dos concellos que constitúen o noso territorio. Estarán identificados, sobre o mapa, con un número. O participante terá que encher unha ficha cos seus datos, indicando a que número corresponde cada un dos nomes de recurso que nesa ficha figuren.

Por outra banda, e co mesmo obxectivo, imos preparar un libriño para entregar a cada neno que se achegue ó posto onde estará Patricia. O libro contará con dez fichas para colorear, que corresponderán con recursos do noso territorio, un por concello.

Xa por último disporemos dun photocall , con referencias a nosa comarca e o noso xeodestino, onde aquel que queira poderase fotografar e o animaremos a que as suban as súas redes sociais facendo algún comentario. Agardamos que algún de vós tamén o faga.

Xa por último convidámoste a participar nunha reunión de traballo que se celebrará este xoves, dia 9, ás 11.00 horas nas instalación do GDR en A Cañiza. Nela, ademais de matizar máis polo miúdo en que consiste este xogo co que Patricia estará dando a coñecer o  Xeodestino Terras do Condado A Paradanta, concretaremos algunha outra acción, ou sentar as bases para un proceso participativo nalgunha das accións que poidan quedar encadradadas dentro do Plan Estratéxico de Turismo que estamos a piques de pechar, por exemplo a creación dun logo e dunha marca.

Amigos, amigas, xa sabedes, como sempre, o de sempre: Valora e vive, Eu son Ruralita¡¡¡¡

 Asdo: Equipo técnico Xeodestino e GDR Condado Paradanta

II Parladoiro aberto da Comarca. “Conversas ó redor ….das estrelas”


Para o día 27 de xullo propoñemos realizar o II parladoiro aberto da Comarca, esta vez cunha temática concreta sobre a que queremos sacar ideas susceptibles de ser postas en marcha: cómo potenciar o turismo na Comarca Condado Paradanta.

  • Non é por casualidade que esta segunda xuntanza se faga na Adega LUZ DE ESTRELAS. O 27 de xullo será un día especial porque acontecerá o eclipse total de lúa máis longo do século, e por esta razón buscamos un lugar no que poder disfrutar deste acontecemento; a Adega Luz de Estrelas, en Salvaterra de Miño, dispón dun observatorio astronómico. O seu promotor, Manuel Céspedes, ábrenos as súas portas para que nos xuntemos no seu espazo e teñamos unha velada única, mexturando debate e lecer.
  • Non é por casualidade que queiramos falar de turismo. A fináis do mes de xuño vimos de realizar as I Xornadas Técnicas que demos en chamar “a integración dos recursos turísticos no desenvolvemento do territorio”. Nelas participaron relatores que aportaron a súa experiencia na posta en marcha dos seus proxecto e/ou organizacións. Puidemos xuntar diferentes axentes expertos na materia que nos achegaron iniciativas postas en marcha na Comunidade e que sirven de exemplo de bo facer. Agora toca poñer en práctica as súas indicacións, e para iso imos xuntar neste parladoiro a todas aquelas persoas con ideas e iniciativas vencelladas a este eido, o turismo máis o desenvolvemento do territorio.

Para os que queirades apuntarvos, de seguido ampliamos a información do evento:

  • DATA E HORA: vernes 27 de xullo, de 18:00 a 24:00
  • Lugar: Adega Luz de Estrelas en Salvaterra de Miño.
  • Ubicación: https://goo.gl/maps/BAUyjaPvC5H2
  • Programa:
    • 18:00 Paseo pola contorna do río Tea, guiado polo naturólogo Carlos Venade
    • 20:00 Visita guiada polo interior da Adega Luz de Estrelas
    • 20:30 Cea e debate
    • 22:30 Explicación sobre as estrelas e visionado do eclipse luar.
  • Inscricións: gdr@gdrcondadoparadanta.gal
  • Límite: 20 prazas, por riguroso orde de chegada da solicitude
  • Prezo: 10€ por persoa

Parladoiro no furancho

Pois xa rematóu ese primeiro encontro. Imos resumir a nosa impresión, agradecer a participación de quen estivo alí, e poñerlle os dentes largos aos que se perderon esa tarde tan intensa e “sabrooooooosa”.

A finalidade de esta xornada era compartir ideas, algunhas xa bastante maduras e listas para levar á mesa, e outras en fase de cocción. Temos moi claro que non podemos arrancar de costas a quen son os verdadeiros protagonistas de calquera iniciativa de dinamización (a propia xente), pero tamén sabemos que a responsabilidade de propoñer somos os xestores do GDR. Con esa formulación, a xornada do vernes no Furancho das Flores (grazas Alejandro pola túa hospitalidade e bo facer !!!!) consistiu en mostrar as vindeiras iniciativas para este exercicio, e escoitar as opinións e suxestións dos asistentes.

Podemos ser sinceiros? A calidade das intervencións superaron as expectativas, e de feito creemos que este tipo de parladoiros deben camiñar cara unha especialización por sectores que nos permita discutir intensamente sobre os diferentes ámbitos de actuación que conforman as líñas estratéxicas que o GDR Condado Paradanta propón para a Comarca. Básicamente estamos barallando catro posibilidades; a primera relacionada ca agricultura sostible como marca diferenciadora de cada ao exterior. O campo do turismo sempre é moi interesante porque permite captar recursos de persoas fora da Comarca, e por aquí veñen propostas moi atractivas para os que queiran facer de este ámbito o seu modo de vida. En terceiro lugar, non podemos descuidar aos que xa están en marcha, e por iso debemos xerar propostas formativas para comercios, empresas e persoas con vocación emprendedora. Algunhas delas foros expostas o vernes. E finalmente, a grande cantidade de terreo forestal que temos na Comarca debe ser revitalizado como consecuencia da toma de conciencia que supuxo o drama de outono do ano pasado, e para eso xa estamos traballando na iniciativa “Reverdecendo” en Organismos que van máis aló do noso territorio e que implican a outras rexións e, incluso, países.

Ese podería ser o resumo da parte “técnica” do evento do 25, pero non esquecemos a faceta lúdica de parladoiro que permitiu o reencontro de personas que compartimos moitas horas o ano pasado e que facía tempo que non nos víamos. Un furancho, unhas cuncas de viño autóctono, uns embutidos caseiros, unha exquisita empanada de ortigas, a degustación de aceite dos propios olivos de Alejandro e o peche co licor caseiro de Paula, redondearon unha tarde de conversa e diversión. Facer mención á xente nova que se incorporóu, inclusive dende outros GDRs limítrofes, e esperar poder seguir contando con eles para a vindeira xornada que xa estamos a piques de anunciar.

Temos a impresión de que comenzóu unha interesante andadura que nos pode levar moi lonxe e darnos moitas alegrías. Grazas amigos pola vosa confianza e colaboración. Contamos con vos !!!!!!!

UNHA CONVERSA O REDOR DUNHA CUNCA DE VIÑO

Amig@s, hai tempo que non nos vemos; hai tempo que non sabemos uns dos outros. Pómoslle remedio??

No pasado mes de marzo fixo un ano que comezamos co Programa LEADER Galicia 2014-2020, grazas ó cal tivemos oportunidade de compartir actividades, intereses, coñecemento, formación, ilusións… Para o GDR foi moi gratificante comprobar o alto nivel de participación acadado, o que demostra que os primeiros pasos foron polo bo camiño. Pero agora temos o reto de mellorar o feito, e pasa eso queremos contar ca túa presenza.

Estamos xa en disposición de presentarvos os novos proxectos nos que estivemos traballando estes meses, e por eso convocámosche a unha primeira xuntanza o vindeiro venres 25 de maio, ás 19:00, horas no furancho do noso amigo e emprendedor Alejandro (“Barrio das Flores” de Salceda de Caselas). Terás oportunidade, de primeira man e de modo privilexiado, de coñecer as actividades que queremos poñer en marcha nesta nova convocatoria, e de aportar as túas opinións, tranquilamente, ao redor dunha cunca de viño.

Plano de ubicación do Furancho das Flores: https://goo.gl/nMnyhr

O Gdr segue coa ilusión e o interese intacto por seguir traballando pola Comarca, e nesta nova etapa creemos que a creación de grupos informales de traballo é o mellor modo de engadir valor  e diferenciarnos, dándolle voz e protagonismo aos que realmente deben telo, os cidadans da Comarca. Tí eres un deles e queremos seguir contando contigo. Non faltes !!!

P.D.: si vas a asistir, por favor, mándanos a confirmación da túa presenza mediante un e-mail a gdr@gdrcondadoparadanta.gal. O espazo é limitado e necesitamos controlar a asistencia 🙂


SEMANA GASTROCULTURAL EFA A CANCELA – GDR CONDADO  A PARADANTA

SEMANA GASTROCULTURAL EFA A CANCELA – GDR CONDADO A PARADANTA

Os días 19, 20 e 21 de marzo celebrarase, no concello de As Neves, a IV Semana Gastrocultural. Desta volta, o GDR entra a formar parte, xunto co Centro de Formación Profesional EFA A Cancela, dunhas xornadas que teñen como obxectivo fundamental promover o emprendemento nas áreas relacionadas coa gastronomía e turismo.

O día 19 haberá unha mesa redonda que abrirá a Directora da Axencia Galega de Turismo, Nava Castro. Nela participará o GDR presentando o Xeodestino Terras de O Condado – A Paradanta. Javier Otero, representante da empresa INICIACTIVA, falará da elaboración do Plan Estratéxico de Turismo deste Xeodestino. Este plan axudará a posicionar este territorio como un destino turístico, a través do cal se poida xenerar oportunidades de negocio relacionadas con este sector..

A empresa Suma Importancia participará nestas xornadas pondo en marcha os obradoiros sobre emprendemento e “cómo crear unha páxina web atractiva”.

A asistencia ás xornadas é gratuita e está aberta a todo o público interesado Soamente é necesaria a inscrición para a cata de mel que se celebrará nas instalacións do Centro de Formación.

 

Xornada sobre agricultura ecolóxica

Xornada sobre agricultura ecolóxica

A Agricultura ecolóxia é un sector que está en continuo crecemento e posiblita, aos emprendedores ou empresas que traballen nel, darlle un valor engadido ao produto. Hoxe en día, preocúpanos o que comemos e a procedencia do que comemos, a agricultura, a gandería en ecolóxico garante non ter aplicado técnicas intensivas durante a produción,

Para todo aquel que esté interesado en emprender neste sector, e incluso para os que xa están nel, e necesaria unha continua formación. No GDR, este ano, apostamos por elaborar un proxecto de dinamización onde, entre outras cuestións vaise impartir un curso para dar a coñecer as técnicas máis axeitadas para un correcto manexo do noso cultivo,

Si estás interesado en formar parte deste proxecto, cubre os campos para facer a túa preinscrición. Pronto nos poñeremos en contacto contigo para coñecer o teu interese no curso e finalizar o proceso da túa inscrición.


[contact-form-7 404 "Not Found"]
JUAN PABLO MOREIRAS. Unha vida detrás dun “obxectivo”

JUAN PABLO MOREIRAS. Unha vida detrás dun “obxectivo”

O noso andar neste Programa LEADER Galicia 2014-2020, comezou alá por mediados de febrerio deste ano, fai agora dez meses. Durante este tempo coñecín xente interesante, xente que polo seu bo facer deixa a súa pegada, e xente que se comprometeu co noso traballo. Hoxe vouvos falar dun deles, un potencial que temos na nosa Comarca, un dos moitos potenciais, un potencial vivo e con historia, un potencial que pon en valor o noso patrimonio natural, hoxe vouvos falar, co seu permiso, do meu amigo Juan Moreiras.

Non hai moito tempo que coñezo a Juan pero o suficiente para saber da súa calidade humana e profesional. Todo foi grazas a unha visita a un dos moitos proxectos que presentaron solicitude de axuda ao noso GDR. Unha tarde de maio, acompañado pola enxeñeira redatora do proxecto técnico que acompañou a solicitude de axuda, recoñecín o trazado do que será un dos roteiros mais fermosos da nosa Comarca, que porá en valor o rico patrimonio etnográfico, natural e paisaxístico da serra de Suido e do val do Tielas. María é o nome daquela enxeñeira, unha muller fermosa, doce e de conversa amena, resultou ser a parella do, que hoxe é, meu amigo Juan. A nosa conversa sobre o sendeiro da forca do lobo foi derivando noutras cuestións profesionais. Acabamos falando da labor dinamizadora que o GDR tiña previsto facer o longo deste, moribundo, ano 2017. Andabamos no GDR a voltas coa posta en marcha da nosa web. Begoña mais eu tiñamos claro que algo que debería estar presente na web do GDR eran fotografías da nosa excelsa paisaxe. María foi a solución a nosa necesidade, mellor dito, ela ofreceunos a “ferramenta” perfecta, faloume de Juan. Días despois, Juan viu visitarnos ás oficinas do GDR e ensinounos o seu portafolio fotográfico, quedamos marabillados. O resultado daquela viisita podedes velo na nosa web, a fotografía que encabeza esta entrada foi unha das elexidas.

No GDR estamos traballando nun proxecto relacionado cos lumes que asolaron a nosa Comarca, ogallá teña o apoio suficiente como para sair adiante. No deseño deste proxecto está colaborando, de maneira altruista, profesionais de diferentes sectores. Todos eles teñen algo en común o cariño pola nosa Terra e as gañas de por o seu gran de área para que algo como o que aconteceu neste outono non volva suceder, ou cando menos para que as súas consecuencias non sexan tan graves. Juan é unha desas personas.

Todos estes proxectos, e algún mais nos que andamos metidos, fixo que fora sabendo mais do seu traballo. Leva dedicado a fotografía mais de trinta anos. Ten percorrido medio mundo para captar nas súas fotografías momentos que inmortalicen a relación que existe entre a paisaxe, a fauna e o ser humano. Fotografiou encargos corporativos, actualidade, reportaxes e proxectos de conservación e desenvolvemento en trinta e cinco países durante os últimos vinte e cinco anos,colaborando na concienciación achega do traballo que leva a cabo para salvagardar o futuro das especies ameazadas e os seus habitats

Entre 1995 e 2007 foi Fotógrafo e Director Creativo de Fauna & Flora International ( FFI), a organización conservacionista máis antiga do mundo, cuxo vicepresidente é Sir David Attenborough. Entre outros proxectos, desde 1997 ata 2002 fotografou o Corredor Biolóxico Mesoamericano por encargo do Banco Mundial, FFI e a Comisión Centroamericana de Ambiente e Desenvolvemento. Entre 1997 e 2007 viaxou regularmente a Ruanda, Uganda e a República Democrática do Congo como fotógrafo do Programa Internacional de Conservación do Gorila de Montaña. Entre 2006 e 2010 traballou en diferentes proxectos de conservación e a caza furtiva no norte de Quenia, por encargo de The Northern Rangelands Trust, Ol Pejeta Conservancy e Lewa Wildlife Conservancy. Fotografou proxectos de conservación en países como Escocia, Portugal, Kirguizistán, Ucraína, Indonesia, Filipinas, Sudán, Sudáfrica, Ecuador, Arxentina, Mexico, Dominica, Montserrat, Guatemala, Honduras, Belice, O Salvador,Costa Rica, Nicaragua ou Panamá.´ O seu traballo apareceu en numerosos libros, exposicións, e foi publicado en revistas internacionais como O Pais Semanal, A Vangarda Magazine, O Mundo Magazine, XL Semanal, Time, National Geographic,Africa Geographic, Geographical, Kew Gardens Magazine, First, BBC Wildlife, Sunday Times, The Daily Telegraph, Sydney Morning Herald, L’ Internazionale, Traveller, Diversity, Der Spiegel, Berliner Zeitung, Paris Match, VSD, Marie- Claire, Ciel et Space, Interviu, Man, Viaxar, Altair, Paisaxes desde o tren, Rolda Iberia, Sete Leguas, Quo ou Moi Interesante. Pero ademáis de todos estes traballos polo mundo adiante. no seu traballo tamén ten captado marabillosas imaxes da nosa Comarca.
Si queredes coñecer o seu traballo podedes visitar a súa conta de Instagrán ; http://bit.ly/2BBuovo
 .
Paco González
Equipo técnico GDR Condado Paradanta.
UNHA, DAS MOITAS, INICIATIVA QUE XURDE NA COMARCA

UNHA, DAS MOITAS, INICIATIVA QUE XURDE NA COMARCA


O 22 de outubro, unha semana despoís de que a vaga de lumes asolara montes, veigas, e edificacións dos nosos Concellos, os veciños de Guláns, acompañados por outros doutras parroquias, xuntábanse na área recreativa de San Cibrán, espazo compartido coa parroquia veciña de A Picoña pertencente o Concello de Salceda de Caselas.

Naquela xuntanza, inda co medo no corpo, fíxose análise e reflexión sobre o acontecido e as súas consecuencias. Un 90 % da masa forestal da parroquia ardera e algúns bens inmobles sufriran danos importantes, inda que nada comparado o que poido ocorrer ou o que ocorreu en Concello de As Neves, Salceda de Caselas, Salvaterra…. A xuntanza, que tivo un tono construtivo e positivo,  serviu para, en primeiro lugar, recoñecer o esforzo que os veciños de todos os Concellos fixeron por loitar contra as lapas, pondo incluso en perigo as súas vidas, evidente é que ese foi o medio mais efectivo para combatelas. Tamén se fixo autocritica, as políticas forestais sempre se poden mellorar, os polítcos (autonómicos e locais) teñen a súa responsabilidade e eles son os que ditan as leis e deben facer por aplicarlas, máis o que si é moi certo é que os montes están abandoados. Os montes teñen propietarios e debemos ser os que nos responsabilicemos de telos ben atendidos. Claro, algún de vos estará dicindo, os montes non dan nada, solo dan problemas e gastos. Sí, pode ser, máis en grande parte iso depende de nos, haberá que darlle unha volta a todo isto, modelo de xestión, ordenación do territorio, cumprir e que fagan cumprir as leis, premiar a aqueles que se esforcen en coidar as súas propiedades. Moito está por facer, mais haberá que poñerse, para dar un segundo paso hai que dar o primerio.

Naquela reunión, igual que en todo o territorio, xurdiu unha lista de voluntarios para facer labores no monte que axuden a estabilizar o solo, para que non se perda a súa parte máis fértil, e que non se contaminen os regatos, os ríos coas primerias choivas. Ese domingo voluntarios de Voltea, coordinados pola querida Rosi Covelo, e previo recoñecemento do terreo por parte de técnicos forestais, membros da comunidade de montes e pola responsable da empresa Alecrin, que tamén colaborou, actuaron para mostrar cales poderían ser os traballos a realizar.

Hoxe, case 15 días despóis e tras analizar as zonas de traballo para garantir o efecto positvo sobre o terreno e ter contratado seguro para os voluntarios, mais de vinte personas subiron ó monte para seguir con esas labores de estabilización do solo. Espallouse máis de 1 Tn de herba seca en zonas de forte pendente, despoboadas de arbolado e próximas a cauces de auga. Moitos deses voluntarios eran da parroquia, outros chegados de parroquias veciñas ou de outras latitudes, pero todos con un interese común ter a vontade de querer axudar en todo o que sexa posible para mellorar o noso medio.

Vouvos falar de Pilar, ela  é unha rapaza, que xunto con Marcos, a súa parella, leva vivindo desde hai escasamente un ano en Guláns. Veñen de Madrid e de Donosti a vivir no rural, no noso rural, con todo o que iso conleva, para ben e para mal. Hoxe Pilar estivo no monte, sen coñecer a ningún dos que alí estabamos, axudándonos a recuperar o noso monte, está disposta a axudar e querer a nosa terra como un de nos. GRAZAS PILAR  e desculpa porque seguro non entenderás o texto, axudarémosche a coñecer o noso idioma e a falalo, iso farate máis rica intelectualmente porque en canto a valores e colaboración cos teus parecidos, hoxe, demostraches que es de matrícula de honra.

Desculpade que faga referencia a Guláns, si o fago é por ser coñedor do que alí se está facendo. Pero Guláns tan so é un, dos moitos, exemplos que poderíamos por aquí. Pilar tamén é un exemplo doutras Pilares das parroquias da nosa Comarca. Ó rural fai falta que veña xente de fora a vivir, xente como Pilar e seu mozo Marcos, debemos saber tratalos e coidalos.

Estamos ante unha oportunidade única. Por desgraza os nosos montes arderon, as nosas casas correron perigo….etc. Os políticos teñen as súas responsabilidade e parte de culpa en todo isto, máis iso non debe ser excusa para que nós non teñamos que asumir a nosa parte de culpa como cidadáns e propietarios dos montes.

Eu quero asumir a miña responsabilidade. Eu quero participar en decidir cal vai ser o noso futuro forestal, eu quero participar en “repensar” o meu territorio, eu quero participar en “repensar” o modelo de xestión dos nosos montes…………..e ti, tamén queres????. Si queres, únete ó GDR Condado Paradanta, xa somos moitos e bos, ti faranos mellores.

Valora e vive, eu son RURALITA.

REVERDECENDO Condado Paradanta

Paco González C. Xerente do GDR Condado Paradanta-

A BANDA DE MÚSICA XUVENIL DE XINZO ACADA O PREMIO AGADER


A Banda de música xuvenil de Xinzo é hoxe nova nós períodcios e medios dixitais. A Axencia Galega de Desenvolvemento Rural (AGADER), dependende da Consellería de Medio Rural da Xunta de Galicia, acaba de concederlle o premio que leva  o nome da Axencia ás inciativas de desenvolvemento rural dirixida á candidatura de “proxectos realizados por mozos que teñan a este colectivo como prinicipal beneficiario”. Esta Asociación Xuvenil promove o desenvolvemento rural actuando como un axente socio-económio que vai máis alá do ámbito de actuación e a cultura, dentro do territorio de actuación que neste caso xestiona a nosa Asociación.

A Banda de Música Xuvenil de Xinzo (BMXX) constitúe, en si mesma, un claro exemplo de iniciativa xuvenil de desenvolvemento socio-económico vencellado ó territorio. Un proxecto local, rural e cohesionante. Un proxecto da mocidade vivo, activo, con tradición e con futuro. Coa BMXX a música toma forma de dinámica social, de crecemento económico, de aporte educativo-cultural, de tradición e de futuro, aglutinando sinérxicamente entorno a si, a vida desta característica parroquia Ponteareá. A BMXX constituise en 1979 como unha asociación de carácter artístico, cultural e xuvenil sen fins de lucro. Cos seguintes obxectivos:

  • Conservar e fomentar o patrimonio artístico-musical e tradicional galego especialmente no ámbito rural.
  • Promocionar actividades culturais-xuvenís en tódalas ordes.
  • Desenvolver e potenciar cantas actividades sexan posibles para fomentar e instruír na arte musical á mocidade que o desexe.
  • Procurar o achegamento da mocidade a diversos tipos de formacións musicais como corais, grupos de música de cámara e grupos de música tradicional.
  • Impulsar a formación dos seus integrantes para que no futuro incrementen as súas posibilidades de acadar unha saída profesional no eido musical.
  • Fomentar a igualdade de xénero entre todos os membros da Asociación.ç

Sempre estivo integrada por mozos/as menores de 35 anos. Desde o 1998 a BMXX conta con Escola de Música propia, proporcionando os mozos e mozas achegarse a esta disciplina. Facilita, tamén, o acceso ós estudos musicacis da poboación mais nova e/ou con menos recursos económios da parroquia de Xinzo e dás cercanías.

Deixámos nesta entrada o enlace a nota de prensa que hoxe difunde esta agradable nova: http://bit.ly/2xVCuKx

 

CURSO DE WORDPRESS E SOCIAL MEDIA

Nos vindeiros días terá lugar un interesante curso sobre wordpress e redes sociáis que pretende poñer nas mans dos emprendedores e empresarios a xestión da sua comunicación corporativa. Sendo, como é, a comunicación unha das áreas críticas de calquer negocio de cara a poder captar clientes, tarefas de tal importancia deben estar directamente xestionadas por responsables internos coñecedores da “esencia” da compañía e con capacidade para transmitir valores e emocións a través dos distintos canales. Sacar estas tarefas para fora supón arriscarse a xerar comunicación impersonal, estándar, paso previo á indiferenciación dos productos e a pérdida da proposta de valor. Neste curso amosaremos ferramentas para poder levar una xestión da comunicación con plena autonomía, dende dentro da propia empresa.

P.D.: Lamentamos informar que o curso conta con limitación de prazas para a súa correcta implementación, e nestes momentos ambas convocatorias teñen o aforo completo.